好開心做到全人奶6個月
真係好多謝晒你地既意見呀,我都會用人奶開米糊再另外比水果如魚瓜
thank you
我係用人奶開糊仔, 食0左約三個禮拜,由稀開始, 之後食到好杰, 咁就開始食粥.
我阿女食粥食得好過食糊, 同埋我覺得粥仔係好0的, 始終米糊都係製過.
糊仔質地比粥仔幼滑得多,BB 初學進食固體,太粗糙的佢地反而吾識食.
至於幾時轉咩種類,都好睇BB 既進食情況.
可以先開稀身既糊仔,比奶杰些少,BB或會較易接受.
而我洋洋好快就食到杰身既糊仔,所以我好快就煮粥仔佢食.
但係煮粥初期,D 米粒煮得吾夠開,佢吐番D渣都試過.
至於糊仔既營養,好多都係添加既.....
我都係用人奶開糊仔,但我都有加果蓉落去,阿囝好鐘意食呀!
請問其他媽媽呢??
有無d媽媽比bb食糊仔食幾個月架?
哦~ 其實我就林住等佢食到半碗糊仔以上先開始煲粥,
會學下mandy你分開比魚肉同果蓉佢食,希望成功啦!
睇離各位媽媽的bb都好叻喔!
我個bb都係啱啱6月大, 都係全人奶! 2星期前開始俾佢試糊仔. 由一開始嘅1茶匙(稀lum lum)到宜家半餐糊仔 (杰杰地), 一直都非常順利. bb好鐘意!
我之前問過醫生. 佢話糊仔同粥仔嘅營養差唔多. 好depend BB鐘意食邊隻味. 其實當BB食開咗之後, 米糊仔都可以加果蓉或魚肉. 不過我自己就比較鐘意分開俾佢食. 因為我用人奶開米糊. 如果加果蓉, 好似好怪咁.
祝你成功!
Sarang媽媽好叻呀, 要繼續加油...
我個女差唔多八個月, 五個月開始食糊仔, 唔夠一個星期就比佢食粥仔, 佢又ok喎, 所以我覺得冇話幾耐, 最緊要係bb肯食o者! 由於我覺得自己煲粥仔可以用新鮮o既材料, 所以冇再食糊仔啦...
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
真係好開心可以做到全人奶餵到六個月大!
真係多謝呢個網站(和所有人)陪左我六個月!
而家bb要開始加固體食物啦! 我有d問題想問問:
1, 請問你地既bb食糊仔大約食左幾耐? 然後先無餵糊轉煲粥仔呢?
2, 其實用米糊加入d新鮮材料會否有營養過煲粥仔加料架?