好唔開心, 尋晚打左BB兩大下.
各位媽媽，多謝你地呀！
結果我同bb去睇醫生，因為真係唔知咩事，醫生話佢有d鼻塞，所以扭計d，食完藥而家好好多啦。
全職媽係好辛苦ga，但親眼見到bb成長真係好寶貴，特別係bb天天有不同既轉變，開心多過唔開心。我之前都係揹住bb做家務買餸，而家有時可以放到落playpen自己玩，但亦有一放底就喊既時候，唯有抱下又放底下。唉，下星期我老公仲要去trip，希望bb到時乖乖啦。
我同你既情形係一模一樣嫁，本來佢好乖，同你形容既都係一樣，唔知點解近日成日喊，要抱住先唔喊，我又係全職媽咪，日日家務大把等住我做，有時我仲要咩住佢做家務呀，佢爸爸又係唔識湊女，唯有我一個人頂硬上啦........
唯一一樣野我唔同你，就係我果個bb只係4個月大渣.....
上星期天氣轉涼，有些BB 會對天氣轉變而有所反應，你諗下張床凍冰冰，佢唔想自己一個瞓，想暖ｄ有人抱，但BB 唔識講，所以用喊來表達。
我明白做家務的壓力，有時累得滯，試過晚飯的碗碟浸到第二朝先洗，所以有時不用勉強自己。
至於爸爸湊BB，可能鼓勵爸爸搵自己的方法去安撫BB，有些爸爸鐘意又搖又抱，有些鐘意抱住來回踱步，有些爸爸甚至鐘意對住BB 一展歌喉，有些爸爸甚至三管齊下，其實呢d 都係親子活動。
主席黃太講過，一歲以下的BB 唔會扭計，佢地用喊來表達需要，換個角度諗，就會唔會迫得自己咁緊，覺得自己唔識照顧BB 了。
我個bb三星期大
佢呢個星期日日都扭計
有時候我都好攰搞佢唔掂
仲要我個b仔好鬼大力
次次同佢換片都要角力咁濟
仲有就係佢一喊就喊到咬牙切齒個種
有咁大聲得咁大聲
我都試過有一次拍咗佢大脾仔一下
跟住佢就喊得仲大聲
不過之後都係有少少心痛抱番佢補數囉
佢可能出牙仔唔舒服喎。
BB有時係會痴身d.家務做唔完可以分幾次做,唔使迫自己一定要一日做曬d乜,家人最重要嘛.
如果你真係覺得佢好煩,可以由佢喊一陣,bb喊一陣唔會有事既.
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
我係全職媽媽, BB 7.5個月,其實佢真係好好湊,好乖.平時食完奶會好乖咁比我幫佢抹口,然後上床自己瞓,最多要"曖"一、兩次就瞓著。
但係上星期開始BB成日唔肯瞓,放上床一陣就喊,抱起身即刻唔喊,再比佢埋身食奶佢又唔要... 如是者要攪一.兩個鐘。真係好攰呀!因為仲有一堆家務要做埋先瞓,我老公又攪佢唔掂,有時仲要夜返...
尋晚又係咁,佢坐左係床上度大喊,我忍唔住打佢大脾兩大下,喊得仲利害...我個心超痛即刻抱住佢,佢就冇喊笑返.但我就勁內疚,好唔開心,瞓都瞓唔著。