十個月大,仍每晚醒兩至三次

戒夜奶/戒奶/BB 瞓得少等問題都令媽媽好困擾.
其實,呢D問題並不是母乳BB 特有的,幾乎每個BB 都會有經歷過.

但由於,每個BB 的性情習慣不一樣,各自的家庭環境也不同.所以處理手法亦會有D分別架.
好高興大家能以過來人身份在這平台分享心得.

餵母乳能增進親子關係,就是來自媽媽如何從不會用語言表達需要的BB身上,了解他們的需要,使BB 們對妳產生信任!

母乳媽媽們,努力加油!
BB 一定會體會及記住妳為他們所付出的愛的!

研究說，九至十二個月的BB 能一覺睡天光，但有些也需要吃夜奶。一般來講，過了一歲才刻意戒夜奶也不算遲，因為餵母乳是按需要嬰兒而餵，而母乳在嬰兒頭一年都是主要的營養來源。

小孩子的腦部需要間歇地休息，若日間缺乏小睡或晚上太遲才睡，他就會「過度疲倦」，晚上將會更難入睡或者影響睡眠質素。這些小孩通常在日間會表現出情緒不穩，晚上又經常醒來不願睡覺。

白天的話，9至12個月大之後，寶寶在早上和下午均需要小睡，BB白天小睡睡得好嗎？通常過了一歲後，大多不需要吃夜奶。

寶寶安睡小貼士

1. 作息定時；
2. 養成睡前常規，例如﹕洗澡、聽音樂、食奶等；
3. 要細心觀察寶寶的精神狀態，在寶寶開始疲倦時，例如﹕他減慢活動節奏、手擦眼睛或打呵欠等 ，父母便要開始睡前常規，防止他因「過度疲倦」而不能入睡。

哺乳圍巾，送禮自用皆宜，所有收益撥捐推廣母乳，歡迎選購。

有關bb睡眠的各種意見，有時候母乳媽媽聽到，總覺得吾多妥，媽媽本能上會告訴自己，由得寶寶哭而不埋，是不可以接受的。
問題是出於不少建議，都是因奶瓶文化應運而生。
對於母乳寶寶，跟本不存在什甚戒夜奶，睡眠訓練等問題。問題是大人未能適應寶寶的需要及不了解正常的需要。
母乳餵養是正常的餵哺的方法，只可惜太少人做到，因此正常情況（但少見）被悞以為有問題。
人類寶寶在頭一年的腦部發育很快，很需要能量，但相對其他動物，寶寶出生時仍很未成熟，所以要吃少少，密密吃，及要與媽媽一起才能求存。
在晚上，寶寶是要吃奶的，差不多佔一天的百份之二十，可想而知，對腦部發育是何等重要。
加上寶寶是比大人有更多淺睡的時間，容易醒。淺睡時亦是腦部活動很旺盛之時（人類比動物腦部更發達）。這些都是正常的情況，如硬要改變，是要付出代價的。
因此，有很多母乳媽媽都會與寶寶同睡，邊睡邊餵，同時可以得到更多睡眠，研究亦已證實這論點。

Dear fion, 以下網站也有參考過嗎？

http://www.fhs.gov.hk/tc_chi/health_info/class_topic/ct_child_health/ch_...

Dear fion, 你的苦況我都好明白。一個個bb的情況都唔同，我只可以講下我果個的情況給你參考一下，不好意思。
想問下你日頭返工係咪有泵奶？最後一次泵奶係幾點？會否泵完奶後身體造唔切奶所以bb最後果餐唔係太飽？
我平日都要返工，我而家只係weekend的日頭才會埋身餵，臨訓果餐一定係用奶樽餵泵奶。so far我的奶量都keep 到，僅僅夠。我唔敢話埋身餵最後果餐一定唔得，但就唔知佢食得飽唔飽囉。會唔會試下用奶樽餵三兩安然後再埋身餵？又或者開點固體食物俾佢食，然後再餵奶？我而家係先用兩安奶開米糊俾佢食，再餵佢食四至五安奶。食飽後就幫佢抹面，清潔口腔，換睡衣／睡袋，較暗燈，開輕音樂，同佢傾下計，講下故仔，幾個字至半個鐘後見佢有睡意就放落床。
我果個冇你果個咁叻，仲未識自己坐起身，所以我都唔係百分百了解你的情況。
至於由佢喊幾耐先理佢，書同網站話放低佢之後就要離開佢視線，如果過左五分鐘仲喊緊就入去拍拍佢，之後又走開，再過十分鐘，仲喊緊就重覆以上動作，如是者十五分鐘，二十分鐘.. 愈隔愈疏。目的就係訓練佢有自我安撫的能力。一定唔可以心軟。我果個都試過喊個幾鐘架。
另外，你亦可以試下俾個公仔佢攬住訓，等佢有多點安全感。

預祝你成功！

Hi Yellowsq，我都有睇呢個網站，但發覺好似好難做咁，因為bb喊得好勁，喊都成十一點都未肯瞓(已一個鐘)，最終就心軟又抱番佢...

我本身要返工，已只可早晚埋身餵，若睡前都無得埋身餵我又怕無奶，但係咪都要堅持呢？埋身餵一定唔得？若bb食食下已瞓著係咪可放落床定要再整醒佢？我bb差唔多九個月大，好難攪...

瞓著後半夜醒，我bb係直頭成個坐起身，甚至企喺度要我抱，我都試過放低要佢瞓，一路拍一路安撫佢，佢就不停咁坐喺度...如是者又試過成個鐘...最終又係頂唔順要抱住... (因為我要返工，真係好辛苦呀!! )

可否抱住然後餵佢飲水？等佢有飽肚感然後瞓番？

真係好多問題，唔好意思！

Dear fion, 我首先係戒左啜住訓，最尾果餐係泵出黎用奶樽餵佢。咁樣可以知道佢食左幾多。食完之后半個鐘先至放佢落床。其實我都係參考johnxxx's baby 的網站。佢有個專題講睡眠的，仲有睡眠評估。你可以去睇下。

當然，喊到嘔梗係唔可以唔理佢啦，萬一佢真係嘔，梗係要幫佢處理。唯有第二晚再試過教佢自己訓囉。

yellowsq，可否分享多啲經驗？我bb宜家差不多九個月，都係犯咗呢啲大忌，九點就俾佢食最後一餐奶，但都係食到佢瞓著先放低，之後就隔兩三個鐘醒一次，我怕嘈住老公所以一醒就抱同餵佢，佢通常食十分鐘就瞓番...我試過唔餵只係抱佢就會喊，一定要啜住

我都好想幫bb有好的睡眠習慣，亦試過唔抱佢，但都係心軟...

想請問：
1. 等bb有睡意就放低，咁係咪就算bb喊到嘔、喊成個鐘都唔可以抱佢同埋由得佢自己一個喺房喊？要到幾時先可以理佢？
2. 夜晚起身若只抱唔餵係咪都唔得？若佢唔肯就係咁喊係咪都只係拍下佢？可否俾水佢飲？

好困擾 ... 請指教！

係呀，昨日去買餸，先至聽個媽媽喺度"呻"，話由於佢哋有細到大慣咗拍住BB讓佢入睡，依家搞到晚晚都要同老公輪住拍BB先至搞得諗....慣習慣真係要盡快戒甩呀。

Dear Cat008
希望我以下的經歷可以給你一個參考。

三星期前，我一直都是讓寶寶每晚啜著睡，她每隔三兩小時便醒，我給她啜奶，有時可以啜上四十五分鐘，她啜得累便睡著了，誰不知一放回床又醒，如是者我每晚的睡眠便給糟蹋了。到她七個月大，我跟丈夫決心解決這問題，於是遍尋網上及衛生署給的育嬰資料並照著做。
我發覺當中的大忌我們都犯了。一是不能讓寶寶啜著睡、搖著睡、或在懷中睡著，因為這樣她便不懂自己睡覺。應臨睡前把燈光較暗，播些搖籃曲，和她傾下計或說故事，到她有睡意便放她落床，然後離開房間。上述的我都...照做了。第一晚嘗試不太管用，因為我們在放她落床後沒有離開她的視線，於是她便不停哭，甚至哭到嘔。到第二晚，我們放她落床後便離開房間，由她哭。結果她哭不到五分鐘便睡著了。半夜也有哭，但我們堅持不抱她，只是拍拍她，過了一會，她又睡著了。如是者過了數晚，她現在已可自己睡覺及一睡到天亮了。
至於喝奶，我是讓她睡前吃飽飽的（約五安）半夜即使醒也不再餵了。你可以參考一下。
要對自己和寶寶有信心啊！祝你成功！

晚間會餵她兩三次,早上會給她吃少量米糊,中午及晚上就吃粥仔,下午會餵奶及吃點水果.有時會給點手指餅.
日頭午睡有時睡一次,有時睡二次,加埋大約睡1-2小時.

cat008您好！

十個月大的BB，已經食緊固體，BB 現在一日食幾多餐固體？BB 日頭的午睡是怎樣？

餵夜奶是增奶量的好方法，如果你有餵開夜奶，都唔怕奶量會少。