BB抗拒進食固體怎麼辦？

育兒方法五花八門，所以要睇番自己BB 的需要，來決定使用邊個方法。

6 個月以後引進固體，是要BB 學習進食和消化固體，在頭一年BB 進食固體是輔助母乳，不是取代。而且母乳在BB 頭一年來說仍是主要的營養來源，所以BB 可以食奶又食固體。正如charlottechy 所言，先餵奶等BB 無咁肚餓，就會較易接受新的食物。

哺乳圍巾，送禮自用皆宜，所有收益撥捐推廣母乳，歡迎選購。

現在天氣開始轉涼,你可以飲d滋潤既糖水如雪耳木瓜咁,之後bump d 奶出黎開米糊試下,等有d甜甜地既味道可唔可以吸引到佢,如佢真係太抗拒,就唔好強迫佢食,等隔一排再試

我開始都有呢個問題架, 可能因為bb太肚餓, 冇耐性等你慢慢餵, 我諗唔係因為抗拒固體o既...
不如你試下早少少餵佢啦, 如果平時餵奶隔三個鐘, 就試下食完奶兩個鐘就開始餵, 當佢冇咁餓就會肯乖乖地坐o係度!
仲有呀, 我個朋友話bb一般都鐘意米香架, 試下唔好用街買o個d糊仔, 自己用米煮啦, 可能會吸引bb多d架!

點解我睇一本嬰兒雜誌，個醫生話如果bb唔係肯固體，只肯食奶，就更加唔好o係食固體前比奶佢，因為會令佢更唔肯食，個醫生話寧願set個limit比佢試食固體，然後先再餵奶，咁究竟邊樣先o岩呢？

lamlamhimhim 您好！

你可以在食固體之前餵母乳給BB，等他飽飽地，食米糊時就會有耐性。

能夠餵到BB 六個月大，你已做得好好，是個很盡責，很比心機的媽媽，憂慮也會令奶量少，你已經達成了世界衛生組織的建議，不要給自己壓力。