You are here討論區 / 早產及0 - 2 個月寶寶 / (1)可能10分鐘食清一邊乳房嗎??? (2)15日大但只有一次便便....
(1)可能10分鐘食清一邊乳房嗎??? (2)15日大但只有一次便便....
如果係食得前乳太多, 其中一個徵狀係大便次數多, 大便有泡泡, 而唔係你宜家既情形~
10 分鐘係有可能食得清既, 係有可能己經食到足夠後乳既, 你唔駛特別處理~
已經由26號凌晨到而家30號中午.....都未有一次便便!!! 不過一日十幾次臭屁, 臭到不得之了, 其實係唔係已經有好多便便係腸到呢?
我係唔係應該餵奶前先泵走前乳? 等佢食10分鐘都食到後乳呢?
p.s. 去健康院 check 完, 黃度仍退緊, 呢樣唔再擔心了~
Olivia511,
聽妳講bb 食奶的情況,我相信其實佢好叻,bb已經掌握到食奶技巧,而妳上奶既情況都幾好,所以bb 可以在較短的時間就食到足夠的奶了.
除了食奶時間短了,bb 會否追食得較之前頻密左?
如擔心bb 有黃,可到健康院掛號,講出妳餵母乳,擔心bb有黃未退....佢地多數都會接受妳回去檢查的.
Olivia,
聽你咁講, bb有6條重手的片都好ok吖.
其實每個mama體質唔同, 乳房所含嘅乳腺及乳量都唔同, 唔能用時間來衡量bb食奶嘅份量. 一般初生bb胃部就只有乒乓波般大. 但每個bb食奶習慣都唔同, 有d喜歡少食多餐,有d喜歡多食少餐; bb食飽奶自然會放口, 下餐肚仔餓時就會扭食, 無需太擔心! 繼續努力!!
還好我數到她有6條重手的片.....
"每邊乳房所含的乳汁都有前乳和後乳之分。所謂前乳是指最早段出的乳汁,所含的水分和乳糖份量較多,色澤也較稀,有助嬰兒解渴。至於後乳是較後段出的乳汁,色澤也較濃,脂肪成份較多,是嬰兒增磅主要成份。若要嬰兒飽肚,就要讓嬰兒吸吮全部乳汁。"
但BB只食10分鐘就不再食...會不會只有前乳? 會不會很不夠....???
Hi olivia511,
食奶時間真係因人而異, BB係8~10分鐘就停口, 給另一邊又唔肯再食, 又可以大約兩小時才叫食, 佢那餐真係食飽. 每日有冇至少6 條重手既濕尿片, 如果都ok, 咁即係佢食得夠飽.
有關大便, 有些母乳寶寶的大便形態可能會突然從每天大很多次變成三天或甚至更久大一次,只要寶寶是除此以外都很好,且大便通常是糊狀的或軟的、黃色的、沒有便秘,那就沒有必要擔心。
加油!!
好開心,係餵奶的路上給我好多次唔同的機會,有單胎,有孖胎,有順利,有麻煩,有全埋身,有全泵,令我可以能體會到不同奶媽的辛酸。
第一胎,餵到囡囡三歲,在三歲生日那天自然離乳。第二胎係龍鳳胎,初頭5個月係一齊餵的全埋身,但返了工後,細孖唔要埋身,只好轉全泵,又係另一種的體驗。唔知第二胎可以餵到幾耐。
同大家一齊努力!!
我唔肯定你 BB 食奶既情況, 只可以客觀咁答:
"10分鐘食清一邊乳房" 係有可能既~
你怕 BB 見黃, 係宜家仲黃緊, 定係退左之後怕佢黃返?
如果係宜家依然黃, 可參考:
http://www.google.com.hk/url?sa=t&source=web&cd=2&ved=0CB4QFjAB&url=http...
我細仔都黃左差不多兩個月架~
如果已經退左, 唔駛怕, 唔會黃返架~
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
BB今日15日大, 頭幾日BB試過一邊都食半個鐘, 可以3個幾鐘後先再搵食, 但呢幾日越食越短時間, 只係8~10分鐘就停口, 給另一邊又只肯食幾口就推出來, 唔肯再食....每邊乳房又真係應該10分鐘就俾佢食清, 鬆晒咁...係我少左奶定係佢食得急我又出得急? 所以10分鐘就有呢個效果?
但隨即有另一個問題出現, 她由一日5次大便到這兩日只得一次, 很多次谷到面紅但可能只有放屁, 初生不是應該很多大便的嗎?
很擔心....怕食唔夠, 見黃....