8個月大B唔鍾意食固體食物會不會營養不良

響BB 一歲之前,母乳都係佢地既主要食物.但係到一歲大後,佢地主要食量就應該係固體食物了.到時,母乳只能當個點心補充品了.

但在BB 一歲前,我地亦都應該為佢地進食固體食物而作準備.就係逐步增加佢地既固體食物份量與品種.

每個BB 既口味,同接受糊仔粥仔既情況都吾一樣.有D 好鍾意食糊仔,有D吾鍾意吞嚥既BB,對D 又 "杰" 又 "鞋" 既粥仔同飯仔都好抗拒都吾定.所以,媽媽要觀察BB,睇佢地係鍾意D 咩質地既食物,同喜歡邊 D 品種既食材等等....

至於飲水,我地都了解全人奶BB 係吾多鍾意D 無味道既液體飲品.不過,都係要通過耐心教導,在佢不覺意時,遞D 水俾佢吸幾口,又或者用針筒,不時趁佢吾覺,喞D水過佢飲咁囉!

我都試過蛋黃、紅蘿白、南瓜等等，但佢都系食得好少，多時1安士到，少時真系試壹點點唔食了。試過粥仔，更加唔食。
飲管杯佢其實試過壹次啜到壹口水架，不過之後就點都唔肯試了，淨系咬。我放點母奶系奶樽，有壹次佢都試過飲到1安士，但之後又系點都唔肯試了。
我前幾日去睇醫生（我喉嚨痛），醫生話8個月可以斷奶啦，B食母乳會營養不良。我就好擔心，但其實我都唔知點先可以讓佢食多點其它野。我個B胃口都唔算大，有時我覺得佢食奶都唔算太多，食壹邊都沒完就起身要去玩，除非要睡覺之前可以壹路食到睡。唔通要讓佢飲少點奶？

你不妨再試吓其他種類的食物。我個囝嗰時唔食米糊架，但係就食粥仔。其他種類的食物，可以試吓蛋黃、紅蘿白、南瓜等等。

飲管杯佢應該未識得啜架，梗係喊啦。

至於飲水D樣嘢，我個人唔贊成因為佢唔肯飲水，所以就俾D有味的嘢佢飲，因為咁只會令佢更加唔飲水。慢慢黎啦，每次飲幾口，飲飲吓就得架啦。