有感而發
Jessie妳好,妳真的經歴了不少。說實的,有時候都會遇上有醫護人員對母乳不理解,有時候也難怪,因為在他們的培訓中,未必學習過有關母乳餵哺,或只有很有限的學習時數。
所以如果媽媽們做足功課,對母乳的認識可能還更多。
我覺得,專業人員是可以有開放的態度去接納自己知識以外的事物,如果下次遇上有醫護人員不了解母乳餵哺,我們不妨可以搜集有關資訊,再給他們看,互相教育和影响。
你地好..今年我個小朋友都3歲.係第一個小朋友.我生完我個小朋友時都有乳房.漲痛同谷奶.我媽咪叫我用滾水整濕絛毛巾膚上乳房度.咁就會好好多架喇
jessye, 睇完你個經歷, 我都有啲心up, 我比你好彩, so far, 我早幾日腸胃炎, 個醫生(仲要係男醫生)知道我餵人奶, 但佢話唔食葯唔得, 因為唔食葯啲菌清唔走, 佢問我有無奶粉頂著幾餐先, 我十萬個唔願意, 跟著佢同我講, 唔緊要, 你快啲好返, 阿B就有奶飲囉, 最緊要係我唔餵得阿B都要泵左啲奶出黎,唔係會停奶呀, 佢講完呢番說話我好感動, 所以話一句說話可以幫到人同時可以傷害人, 希望多啲醫護人員可以了解多啲母乳,可以幫到更多媽咪.
講到俾醫護人員"蝦",我好想大家聽下我訴苦:
請原諒我以下既眼淚心聲......
話說我女, 有黃疸,生左之後既第三日我可以出院佢反而要留院入兒科,於是我就出入兒科病房去餵佢,點知個姑娘話你咁樣即係阻住我地做野,你快d俾佢飲奶粉,等佢痾番晒d黃出黎咪仲好, 你帶佢入去餵咁耐就即係唔夠奶啦......佢呢句都未講晒我已經即刻喊出黎. 由於我先生在場,所以即時帶走我,怕我會俾個姑娘搞到產後抑(屈). 但我唔甘心,於是出去兒科門口登記處時,我問另一個職員,係咪入黎兒科就唔可以俾bb食人奶,佢話唔係呀,你可以擠出黎放係我地d樽到,冰好佢,貼出呢d紙,帶番黎,我地會俾bb飲架. 你bb依家食緊幾多,你咪每樽都入咁多囉. 我聽完心情即刻好番,返屋企即刻係咁pump,pump番三樽出黎之後就冰晒佢. 第二日又見到果個黑心衰姑娘,我同佢講,有奶喇. 點知佢竟然話,開始溶喇喎,唔合格,我地唔可以餵呢幾樽呀,你放係果個位(待處理)啦.我地有奶粉俾佢食架喇. 於是我發晒癲,然後係咁喊,癲左話"之前又話我無奶,依家有奶又唔俾我bb食,你想點呀....俾番個女我呀.....哇哇哇"之後,我俾個姑娘請左出去,有個高級既人見我.....然後果日之後,我日日都坐的士偷運自己(因為我坐月所有人都唔俾我走)從屋企去醫院親自餵. 就係咁令我有產後情緒病,成日發神經會喊一餐. 直到bb出院.
又另外,我bb因為濕疹去睇私家醫生,個醫生聽到我係bf,每次見到佢都話佢個榜數太輕. 我果陣覺得點解呢個醫生又係唔支持bf. 我當時淨係得一個想法,就係有咩方法可以搵到d支持bf既醫生黎睇我個女. 點解要搵支持餵人奶既人事物係咁困難,我唔甘心!!!
又事隔一排,有個黃昏,我無故胃陣痛,足足一晚無停過而且最痛既時候,會影響我抱著個女食奶, 於是老公捉左我去睇急症(其實我唔敢睇因為我驚要留院咁就無得餵奶). 醫生睇左我一論,又問我近來發生左咩事咁(我只交待訓得唔好因為好擔心女兒濕疹後成日喊,愈黎愈瘦,心痛到不得了...), 傾左一大論之後, 佢發現我胃抽筋原因同精神壓力太大有關, 但佢見我痛咁長時間要我即刻打針. 我反問醫生我餵緊人奶可以打針嗎? 佢問我唔餵一日得唔得呀,我問番佢係咪真係一日就得先,同步間我個腦即刻就響到諗我屋企個雪櫃仲有幾多存貨. 佢跟住改口話一日都可能未必得,支針會幾勁. 跟住我問番醫生係咪可以唔打針, 佢話打針快d好嘛(呢句聽黎好熟), 我話"咁唔洗快喇, 你俾d我餵到奶既藥我食得架喇", 醫生問我:"真係?!咁會好痛多一段時間架!!" 我答"係!" 醫生話好, 跟住呢個醫生講左幾句好緊要既說話,令我對醫護人員既極差印象有改觀,同時亦令我既產後情緒病得到明顯好轉. 佢話"餵人奶真係好好, 又有益, 我做醫生我知(淨係得呢個醫生知), 對你對bb都好, 你唔洗擔心佢d濕疹啦, 好多bb大過d就會好轉, 而且你已經俾左最好既佢喇, 你唔洗咁擔心既, 無咩俾你餵人奶更好架喇, 如果你唔係餵人奶應該情況係更差架, 你放心繼續餵啦, 我好支持呀, 繼續啦.....(之後佢講咩我要點食藥果d,我完全聽唔入心,我個腦只係停留左響方才果幾句,而且當時眼眶係有淚水同紅左)
我去果間係已經再無產房既"大埔那打素醫院",果個醫生年紀唔輕,戴眼鏡,十二點半後就唔見左人,想再同佢傾多兩句都無, 但我真係衷心既多謝佢. 佢唔單止醫好我當晚既胃抽筋而且醫好左我俾各人對餵人奶既無知而黎既傷害. 可惜我唔知佢叫咩名,如果唔係我一定寫封四百字既信去表揚佢!
我愛我的孩子, 我要給她最好, 所以給她餵哺母乳是我唯一選擇!
母乳其他好處:
餵人奶慳唔少銀紙 - 1.無毒既奶粉好貴 2.媽媽唔洗錢都修到身,
餵人奶慳唔少心血同精神 - 有抗體令BB身體變得健康而且唔洗成日睇醫生食藥,唔洗咁擔心,
餵人奶慳唔少功夫 - 好方便隨時隨地都可以餵,唔洗又帶滾水又帶暖水又帶幾個奶樽奶粉盒,唔洗帶好多野出街,唔洗洗奶樽,好多野都唔洗帶...
想起Dr. Jack Newman 的一句說話:「告訴你餵母乳沒價值的人,連餵母乳最基本的事情都不知道。」
所以今年的國際哺乳週主題,就是要提醒各國政府,有沒有加強培訓醫護人員,協助母親解決哺乳的困難。暫時香港仍在起步階段,醫管局已在本年四月拒絕接受奶粉商贊助免費奶粉,踏出成為愛嬰醫院的第一步,衞生署了解到《國際母乳代用品銷售守則》能否落實推行,正是維護母乳餵哺及保障嬰幼兒正確使用母乳代用品的關鍵所在。因此,今年6月已成立跨界別的專責小組,策劃草議和實行適用於香港母乳代用品銷售守則,協會也是受邀的團體之一呢。
無論結果係點,協會的宗旨和使命,就像餵母乳一樣,只要不放棄,便成功在望!
哺乳圍巾,送禮自用皆宜,所有收益撥捐推廣母乳,歡迎選購。
candy fan: 訴訟的追溯期都有七年為限, 點解依家唔得喎, 找不找到這個醫生唔重要, 最重要係比佢地既高層知前線人員係幾咁無知, 你知啦, 政府係睇投訴數字做人架, 無投訴即係無問題, 有投訴既話,佢地先會正視.
"Volunteers don't get paid, not because they're worthless, but because they're priceless!" - Sherry Anderson
醫護人員一句說話,足以令到媽媽放棄母乳,我記得女女一歲時,我去睇醫生,話比醫生知我餵母乳,等佢留意我既藥同劑量,姑娘一聽到就話,乜你仲餵緊人奶架,過左半歲要停架喇,我已習慣聽呢D說話了,所以都唔想同佢嗌,但係作為前線醫護人員,其實係咪應該更加要清楚點樣至對BB係最好呢?
Dear Miu,你講得好啱,前線醫護人員對母乳認識好重要, 因為佢一句說話, 隨時會令多一個bb無法享受母乳,我就係因為佢哋既一句說話爭啲令到我個BB食唔到人奶。但宜家先投訴有用嗎?但我仲記得我係幾多號幾多點睇醫生,但就唔記得醫生叫咩名。
Cng126,我個B出世至19日都係半人奶,之後就一直全奶粉,直到細B打2個月針既時候,我就毅然同佢轉人奶,每日只係食一餐奶粉,當BB3個月時發覺佢成個月無增過磅,醫生家人都叫我唔好再餵,驚會餓親BB喎,但我無理會呀,後來健康院姑娘同呢度既媽咪叫我餵夜奶,即係連夜晚果餐奶粉都轉埋,出奇地佢既磅數同我既奶量都增加喎,好神奇囉,而整個過程我都有好多困難呀,又損晒啦,又流晒血啦,又乳線塞,乳線炎,基本上所有餵奶既困難我都有,好彩一切都過去了,細B6個月既時候都有8KG,非常非常之開心囉,所以我都好想多啲人支持母乳!
我都有類似經驗, 女兒出生第10天, 我乳頭被阿B啜損, 又發高燒, 一邊乳房漲奶, 睇醫生後俾左7天抗生素, 阿女被迫全奶粉7天, 其間朋友教我搓鬆那漲痛的乳房, 那痛到入心眼淚直流的感覺令我有一絲絲要放棄。
7天過後, 幾乎無晒奶, 狂谷魚湯一輪, 又到另一邊乳房漲痛及發燒, 醫生叫我不如停餵, 還說我可能是天生乳線塞, 應該餵不到人奶了, 那時心裡很難過, 真的很享受同BB 那種親密, 我真的要停嗎?! 老公本來都很想我餵人奶的, 但見我那麼辛苦(那漲漲的乳房痛得要命), 都說既然盡力了, 不如放棄好了, 我真的心有不甘, 小天使來到了, 好友介紹我租奶泵及找姑娘上門幫我糾正姿勢及按摩, 仲有我BB "恩恩" 的努力, 還有這個網址, 陪我渡過不少難關。
恩恩由初生至10天係半人奶半奶粉, 之後全奶粉, 到滿月過後已只係補兩餐奶粉, 到3個月就已經全人奶至現在6個月了, 重8.2KG, 真是太好了, 所以很想跟其他媽媽分享及希望各界要支持母乳餵餔
Crystal Ng
你同bb既堅持實令人欽佩, 比好多媽咪, 都會選擇繼續餵奶粉算, 仲咩要攞苦黎身.
前線醫護人員對母乳認識好重要, 因為佢一句說話, 隨時會令多一個bb無法享受母乳. 我們做到的就係遇有咩離譜case, 就去投訴佢地, 起碼等當時人知道自己有咩錯. 你想投訴既話, 我地一定會幫妳架. 詳情可email去 support@breastfeeding.org.hk
Candy 您好!
真係好高興見到你呢!
可惜時間匆匆,沒法好好詳談,不過,大家可繼續在呢度傾下計~
至於醫生方面,餵母乳不是病,所以醫生在受訓期間接觸機會不多,莫說急症室的醫生,就連面對孕婦的婦產科醫生、兒科醫生,能充分理解母乳的好處及餵母乳是一回怎麼的事,在香港也不算多。
協會其中一項工作是促請政府加強醫管局轄下的婦產科及兒科的醫護人員的培訓。希望將來唔會再有媽媽好似你咁的遭遇啦。
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
噚日我參加咗集體母乳,真係有講唔出既感受,由BB出世半人奶,到全奶粉,再轉為全人奶,整個過程真係相當唔容易,可以講得上為辛酸呀,除咗要多謝呢度解答過我問題既媽咪,健康院既姑娘,同埋支持過我既網友,最重要係多謝我個BB,因為由奶粉轉人奶,真係好辛苦,但由此証明,BB真係鍾意媽咪多過奶咀,但其實我想講香港對母乳既認識真係唔夠囉,記得當日生完BB20日,我因為唔舒服去急症室睇醫生,當時醫生同我講,如果你宜家食藥就唔可以再餵人奶,我當時問醫生係唔係即係以後都唔餵得?醫生答我係,我梗係好唔想啦,但為咗自己既身體我無辦法,迫住放棄,但因為我唔餵得人奶,令到我個心好難過,停咗2個幾星期後我打去產後問先知原來我食藥都可以餵人奶,我當時第一個反應真係問點解醫生話唔得呢?咁宜家仲有無得補救呢?當時姑娘都只係好無奈咁答我無辦法,大部份醫生對母乳都唔熟識,唉...幸好,我唔駛返工,幸好,我個BB真係好鍾意依附我,幸好,我同BB都好堅持,好多好多既幸好加堅持,我先可以由奶粉轉番人奶,直到宜家細B依然係全人奶,但我心諗,如果我係一個再職媽媽,我可能已經無奈要放棄母乳,其實我覺得真係要多啲宣傳母乳,令多啲人認識母乳,包括醫生,希望有更多既媽媽用母乳去餵哺佢哋既BB!