急！急！急！急！

總之好多謝大家既意見

講開醒瞓,我都係好醒瞓既,我老公吾算醒瞓,但係成晚會轉身好多好多次(佢自己好似吾知咁) .
因為我地兩個都有鼻敏感,成日會有鼻塞,鼻一塞人就會醒.
至於我個仔,自初生出院返屋企後,就聽到佢有鼻鼾聲....依家瞓覺都係成人轉身,同會特別鍾意瞓埋一邊(左邊).
我有時抱佢"痴實"我瞓,但係一陣佢就會碌開,佢話個鼻透吾到氣喎..
吾知妳BB 會吾會都有類似問題呢?

留意係出世至六個月期間每月有0.5kg 增重，六個月以後唔會咁計，因為BB 活動量大左，而且會食固體，唔係只係食奶。

哺乳圍巾，送禮自用皆宜，所有收益撥捐推廣母乳，歡迎選購。

如果是用這個方法來判斷BB是否吃飽的話，咁我BB就應該真係唔飽啦，我記得當BB七個月大既時候體重7.7kg,上個月十一個月大得8.5kg，咁就即係代表BB吃得不夠啦。

每當晚飯時間，大人食飯時BB是一齊坐的，仍然對食沒有大興趣，至於薯蓉亦都嘗試過，都係沒有大興趣。

我會嘗試睡前為嬰兒進行三部曲。

謝謝！

原來如此，你看看我們的Q&A 講,如何知道嬰兒是否吃飽？，去到六星期大之後已沒有準確的換片數量來判斷BB 有無食到足夠的奶，因為BB 滿月後的大小便次數是會按身體需要而減少，例如天氣熱出汗多，小便次數會有可能減少，只要BB 的小便不是啡色，大便不是深啡至黑色，而BB 在出世至六個月期間，每個月有0.5kg 的增重，那就代表BB 食到足夠的奶，當BB 食到足夠的奶，那就等如媽媽奶量沒有問題的了。

大人食飯時BB 有沒有一齊坐？BB 看到大人食飯都會令BB 對固體食物產生興趣的，而且會覺得同大人一齊用餐好好玩，BB 唔識食固體，就要大人教，慢慢引導。你有無試過整薯蓉比BB 食？有些小朋友唔鐘意食米，會鐘意食薯蓉。

睡眠問題涉及的不止是飲食，外國已有研究顯示，睡前為嬰兒進行三部曲﹕沐浴、按摩及靜態活動（如說故事），能令BB 入睡時間快百分之三十七，驚醒時間減少接近五成，有效提升睡眠質素，你不妨試試。

首先多謝你們的關心

因為濕片情況及BB體重唔理想覺得自己奶水不足囉

至於bb的食餐時間，雖然睇落好好，但實際上食既份量唔多，BB對食方面實在沒有興趣，有時甚至唔肯張口食，要用好多方法先可以令佢食到一BB碗既食物，一BB碗既份量有時要用上一個鐘頭的時間先可食完，我會嘗試在食物落母乳調味。

半夜睡眠質數，到今日為止對我仍然係一個迷，身邊好多人都話因為BB唔夠飽，或者聽得多自己都對號入座啦，日頭玩得興奮，呢方面我就認為唔關事，有時平平淡淡係屋企一日，BB都係夜晚會好容易醒。

係呢,睇落其實bb 的食餐時間都幾好吖!
就是半夜醒三幾次既話都吾算誇張,有時bb 在日頭玩得興奮,夜晚係會醒瞓d.

唔使客氣！

Domperidone 的副作用是分泌母乳嘛，當然會有效，不過，加拿大和澳洲那邊很少會要媽媽長期服用的，因為隨著BB 的吸吮技巧越來越成熟，媽媽有按嬰兒需要餵奶，那就不用再依靠藥物，身體會自行分泌足夠的母乳。你要知道，Domperidone 主治腸胃不適，你沒有腸胃問題，但長期服用Domperidone，對身體會不會有壞影響呢？再講，睇BB 的時間表都好好呀，是甚麼原因，令你覺得自己奶水不足？在我的心目中，沒有窮媽媽和富媽媽，因為絕大部份的婦女都能夠生產足夠的母乳應付BB 需要。

你試下煲粥仔時落母乳調味，甚至乎甚麼固體食物都用都得㗎，唔需要好多，一安半安就ok，睇下BB 會唔會食多d。

好多謝大家既意見！睇左你地寫既野心情都好返好多！
BB食固體食物方面，我已經嘗試過換吾同質感的食物比佢，但每款佢都只有微微興趣，甚至不吃會喊！
我都唔想靠藥物來維持自己既奶量，但我實在無辦法，由此至終我都係個窮媽媽，什麼辦法用來增加奶量我都嘗試過啦！好似Domperidone對我最有幫助。
我都係同BB同睡的，我都好醒瞓，佢每次醒來多數都是擰來擰去，然後會喊，我都因為眼瞓既原固，選擇比奶佢吮下，每晚反覆醒來次數都最少有兩三次，有時甚至多到我自己都唔記起啦！
BB每天的生活：
9:00-10:00到起身
10:00-11:00固體食物
12:00-1:00小睡&埋身食奶)
2:00-3:00小食時間
5:00-6:00小睡&埋身食奶
7:00-8:00固體食物
10:00-11:00睡覺&埋身食奶

開始固體食物,對bb 來說是一種新的事物.有的bb 喜歡較稀的質地,有的喜歡稠一點的.有的bb 又會較喜歡食糊仔,有的又會喜歡食飯仔.所以,如果bb 不喜歡進食固體,要嘗試換吾同質感的食物,找出他們喜歡那一樣.

有時,家長會擔心bb 食固體的分量不夠而寧可為他們加添奶量食品.雖然奶是流質,但到了胃,還是會有分量的,要消化時間,所以就會減低bb 的食慾了.
再加上,食奶是他們熟習的方式,短時間就有肚飽感覺,反過來食固體食物就需要較大的功夫,這會影響bb 的學習意欲啊!

bb 吾瞓可以有好多原因的.有咁大個,吾會因為肚餓而吾瞓既,必定係有佢原因.我家姪女,小時(3-4歲)都有黑眼圈,因她不是由爸爸/媽媽帶的,住在親戚家,可能是生活環境的改變而令佢心裡感到不安穩,所以連睡眠質素都有影響.
另外,我一直與小兒睡的.我好醒瞓,每次佢發開口夢少少聲音我都聽到.而一直以來,我多數都係聽到佢既笑聲.甚少(可能有過一/兩次)聽到佢喊醒! 呢d 應該多少都反應出小孩心裡的安全感/快樂指數吧.

Hi josiesmwan,

母乳是最好的，媽媽餵母乳怎會是害了BB 呢，你不要怪責自己，你沒有做錯，是身邊的人不了解餵母乳的好處，同時也沒有為你找尋協助，很多人見BB 有問題就怪在母乳的頭上，如果BB 是食奶粉的話，你猜猜他們會不會怪罪奶粉呢？你要重拾信心，餵母乳咁辛苦都克服了，沒有事能難倒你。另，你有無帶BB 返健康院檢查？

服用任何藥物前最好資詢醫護人員，要知道服用藥物會不會有潛在風險，這是較保險的方法。

BB 晚上睡不好，是大部份父母都會面對的問題，協會討論區都有唔少呢類topic，你可看看Dr. Sears 以下的文章，了解嬰兒的睡眠模式及解決方法：

8 INFANT SLEEP FACTS EVERY PARENT SHOULD KNOW

31 WAYS TO GET YOUR BABY TO GO TO SLEEP AND STAY ASLEEP EASIER

NIGHT WEANING: 12 ALTERNATIVES FOR THE ALL-NIGHT NURSER

另外，你可以講多少少BB 每日的生活係點樣嗎？例如一天食幾多次奶及固體食物，每日大約幾點起身或睡覺之類，等大家幫你諗諗辦法。

我在嘗試好多方法之後才決定Domperidone用藥方法，亦已經開始食返此藥。
我都唔知點講好，怕bb食固體食物食得少唔夠飽，所以自己希望在人奶方面亦能夠令佢飽肚，由bb出生至現在晚上睡覺情況好差，不能夠一覺睡天光，每晚都一定會反覆醒來，11個月人仔就已經有黑眼圈啦，我真係好困擾，怕佢食唔飽，怕佢睡眠不足，我經而做好一切做母親既責任，好多時身邊親戚朋友家人見到bb既時候，都略有一點微言，有時都不其然怪責自己當初決定餵人奶既選擇，唉...真係好困擾！有邊個可以幫到我呢？

您好!|！

BB 不吃奶粉，相信是因為母乳比較好味，而且世界衛生組織提倡婦女以統母乳餵哺嬰兒至六個月大，然後添加固體食物，再以母乳餵哺至兩歲或以上，所以你沒有做錯，而且做得好。

Domperidone 是常用來處理各種上腸胃道蠕動機能異常的疾病，包括消化不良，它的副作用是增加乳汁的分泌。不過，單張亦聲明，服用藥物絕對不可當作解決母乳哺育問題的第一個方法。

在加拿大及澳洲，BB 有以下情況，媽媽才會被診斷為母乳不足：
Weight gain less than 500 g/month, <150g/week
Baby weighs less than birth weight at 2 weeks
Passing small amounts of concentrated, yellow, strong smelling urine, <6/day
Infrequent small amounts of hard, dry, green stools
Lethargic, sleepy, weak cry
Dry skin and mucous membranes, poor muscle tone

如果BB 食奶食得密的話，不能視為媽媽沒有奶水的，而且滿月後，因BB 的大小二便次數會減少，所以濕片數量已不能作準，主要會睇增重紀錄來看BB 有沒有食到足夠的奶。

現在看你的情況，主要是BB 對固體興趣不大，吃得很少，對吧？至於BB 的體重，若是按著生長線發展，沒有大起大落，磅數幾多不是問題來的。

你有無試過在粥仔混入少量母乳調味？對愛吃奶的 BB 會有些幫助，大人食飯的時候，BB 同檯一齊坐，亦可令BB 對固體食物有興趣。另外，如何添加固體食物 一文中有不少建議，你不妨試試。

希望幫到妳！