You are here討論區 / 早產及0 - 2 個月寶寶 / 2個半月bb想轉埋身餵多d可以嗎?
2個半月bb想轉埋身餵多d可以嗎?
Hi juliannachu,
要留意的是，BB 食完奶一小時喊，但食食下就睡著覺，咁可能係BB 扭眼訓的signal，而唔係肚餓喎，因為如果係肚餓的話，係會正正經經食到5-10 分鐘的。
BB 已兩個半月大，唔谷奶係正常反應，因為身體已經知道BB 的食量，會懂得自行調節要分泌幾多母乳出來滿足BB 需要。Q&A 都有提到：我的乳房不漲了，是否沒有母乳了？
BB 每兩三小時食奶一次，唔算食得密呀，兩個半月大來說係是正常的表現，唔代表你唔夠奶。
記住母乳是「需求越多，供應越多」，只要你肯餵奶，唔補奶粉就會越餵越多的了。
但佢食完人奶一個鐘倒又喊, 再比佢食就食食吓又瞓, 如果開奶粉比佢佢又食得落架喎, 所以先覺得佢唔夠飽, 我又唔谷奶既除非有成6小時冇餵啦, 我成日覺得如果佢每2小時或每3小時就食的話我就唔夠奶比佢.
如果我每4小時埋身餵再加奶粉, 咁d人奶會唔會越黎越少架, 半夜餵奶會刺激多d但我個bb已經戒左夜奶, 咁冇刺激咁多點可以增加奶量呢? 我希望最後可以唔加奶粉呀~
Hi juliannachu,
恭喜你！BB 食完母乳之後食唔得多奶粉，証明BB 已經食飽。因為BB 已經兩個半月大，食奶會食得快過以前，總之BB 食飽就唔會食，肚餓就會叫，咁你到時餵奶就ok 架喇，唔好懷疑自己，比d 信心自己啦，母乳係越餵越多架！
捐款支持香港母乳育嬰協會
香港母乳育嬰協會乃本港註冊非牟利機構，推廣工作全賴公眾人士捐助及會員會費，請捐助我們，本會所簽發收據可用作退稅之用。詳情請看愛心捐助
免責聲明
本會並非專業資詢機構，僅為互助及推廣組織。鑑於本會職能，本網站內所提供的資訊僅應作為一般教育及參考用途，如有任何醫療問題或事故而引起的一切法律訴訟，本網站一概不負責。如果你有任何醫療問題，應向自己的醫生面對面查詢，而不應單倚賴本網站提供的資料。
其實我一開始已經好想全人奶餵!但最近有問題又想餵返全人奶, 請問各位有經驗媽媽可以教我點做嗎?
我晚上生完b之後因為失血過多要輸血唔可以即刻餵人奶, 點知第二日bb又要去照燈, 到第三日我先可以行去餵bb食人奶, 點知d姑娘已經用緊奶瓶餵我個bb啦(又話用杯餵-講大話), 加上黃既b要食多d, 我埋身餵完佢地又要補奶粉, 仲話佢好黃要食60ml, 一出世就食60ml, 我點做咁多人奶比佢呀~ 出院之後都仲係勁黃, 日日都要返醫院check, 我又唔係好上奶, 媽媽已經煲好多魚湯都唔夠佢食, 所以一直都埋身餵完再補奶粉, bb又再黃要入院, 跟住d姑娘仲話要補120ml奶粉, 我心諗oh my god, 一個出世唔夠10日既bb點食120ml奶呢? 但我都有堅持埋身比佢啜半小時之後先補.
到bb一個月時每餐埋身食完半小時再補80ml奶粉, 兩個月時要補成100-120ml, 如果我冇埋身餵就開140ml奶粉比佢, 有時我要出去做野埋身餵唔到我會泵出黎差不多6小時有120ml左右, 所以基本上一返去再埋身比佢食然後佢就會食晒我之前泵o個支奶~一直都係食完人奶加奶粉, 直至最近~bb兩個半月
晚上約10點~11點倒, 埋身餵完再補奶粉80ml左右, 佢可以一直瞓到第二朝7:00都唔喊, 有時只係有d(唔唔聲), 我醒左聽到先起身埋身餵佢, 食左約10分鐘又瞓返, 我見佢唔喊我就試吓唔比奶粉佢, 其他時間就埋身餵完佢之後, 補奶粉比佢一係就唔肯食, 一係就只食50ml就頂出黎, 但我唔明既係, 佢埋身食我既份量應該唔夠佢飽,仲要佢而家好多時食食吓5-10分鐘倒就瞓咗, 而家食奶既時間就亂七八糟, 咁我應唔應該補奶粉比佢好呢唔食奶粉呢?