阿b 好扭計, help

debbie c,
好高興看到妳又再鼓舞的分享!

初生bb會哭鬧....新手媽媽有嘮叨....!
其實,大家都在適應中!
各位人奶媽媽....加油啊!

I so want to join u guys, but my stupid phone hv no chinese. I hv the same problem. I so agree with one thing teresa said: the first 5-7 weeks is very important. When i had my first bb, she is a non stop crying bb. She is way worst than any of yours case. Even all those master mom can not help. Nothing can clam her, i carried her walking up and down stair for 1-2 hours so she can get some rest. Then i had give up breastfeed when she was 7weeks old. BUT her condition wasnt getting any better until 15mths. She just carry on crying, and wake up at night+crying........ Very long story. Ok, my point is with a bb that mine nothing can change the way she is. Milk is not a thing to change, mother's mind is the only thing to change. Now my 2nd one just turn 5mths, she is better than her sister but is not good. I been feeding her directly non stop, even at night. I carry her mix 16hours per day, she sleeps in my arm. In the past 5 year,i did not learn how to take care of a bb, i did not learn how to breast feed. But i did learn when is the time to shit my ear,and just follow my heart, never give up. Any problem can be a way to deal with but stop breast feed totally is not the way. I hope some of u will read these even is not in chinese and may be a lot of mis type.

真係好開心見到咁多分享。想起自己兩個都係勁難湊。一般來說，一歲之前，bb所有要求其實都是需求，實質的，不會扭計，需求滿足了其實便消失了。如果不滿足，需求不會走，只會轉化以另些形式再來過。

kklmml ，不知妳的奶量一向是否很充足？妳的情況，有可能是奶量較多及出奶快，bb可能吃到前奶較多，因此吃的時間短，但又常吃，多大便，而且有時比較稀和較綠色，多屁，而且因為易餓及多屁便常哭難湊。

如果真有這情況，可以兩餐（或更多）都餵一邊，另一邊如谷奶便只揼少少至舒服。這樣可令bb多吃後奶，及減少奶量令bb吃得易些。

係架，我初時心態同你一樣，但後尾我發覺根本BB係要抱架，你抱得佢多，佢安靜到，咁慢慢先有心情EXPLORE呢個世界。。。佢地根本唔知乜野係扭計，一無安全感就喊。。。唔係佢地曳架。。。
我個B到而家都餐食餐痾架。。。哈哈可能人奶係吸收D囉。。。尿片都換得好多架，多過奶粉B好多。。。我有朋友係奶粉B。。。佢一見我個B邊食邊痾同成日放「濕屁」，就用一副好可憐嘅眼光望住我。。。但你放心啦，佢大大下，就會次數減少。。。雖然點都多過奶粉B，但OK啦，我覺得MANAGE到啦。。。我BB仲要紅屁股添，咪換勤D囉，無野架。。。換片都係親子活動嚟嘅。。。你要頂住呀！
我果陣陪月一走，我就好忙。。。你試下找屋企長輩幫下手囉。。。我媽咪都幫我手換片。。。若果一人一次，咁你全日咪換少一半囉。。。哈哈。。。或者有時自已精神好D時，咪開左片等佢痾囉。。。我會「SU」個囡架。。。佢而家都聽我講架，會配合下痾下囉。。。咁就方便左。。。慢慢來啦，BB學得好快架，你要有心機，滿左月，一切都變得更好更順利架喇！

支持你呀！！！

teresa

多謝你哋嘅支持, 呢兩日佢喊我就抱佢, 我心情都好一些... 之前係因為驚bb太扭抱所以唔想習慣一喊就抱佢啫. (其實我都好想成日抱著bb呢) 不過希望佢大過d唔會一放落床就喊啦.
最慘就係餐食餐呵, 呵嘅時候佢又勁扭, 呵咗又要即刻換, 但佢又要分上下集呵, 有時條新片未包好又要再換過條新. 仲有好多時放屁屁都會連埋d "cc" 出嚟.. 咁又要換片..唉......真係不停咁"換, 餵, 掃風, 抱" 唔知佢d "cc" 幾時先減量同懂得控制d屁屁呢..
而家仲有陪月姨姨, 中午每次餵完都可以即刻交比ee 等我可以o訓幾個字,下個星期ee 就要走喇, 我連中午短短的sleep都冇喇..
不過我知呢d時間好快過, 我應該要enjoy同珍惜, 希望咁唸會好d 啦.
而且今日我泵咗d前乳先比佢食, 佢又冇"俗親" 食奶好似好咗, 我同佢都冇咁忟, 不過佢依然都係每餐只食十分鐘. 唔知佢係咪真係夠飽呢??

BB 要人抱好正常，你所面對的情況亦只會是短暫。人們總愛比較誰的孩子快戒夜奶，誰的快走路，誰的快說話，但有沒有了解自己的孩子準備好未？努力，媽媽不易當，現在的辛苦是明日的驕傲。

"Volunteers don't get paid, not because they're worthless, but because they're priceless!" - Sherry Anderson

我個女而家十五個月喇,我當初都有咁既情況,亞女由出世到差唔多八個月,都勁扭抱架,一放底就喊,無辦法之下仲要同我一齊訓,一路啜奶一路訓,每晚醒成四五次,到左而家至叫好d,下午可以自己玩唔使抱,但一到夜晚就要抱同食住奶訓,我都聽唔少冷言冷語架,自己都好掙扎,不過唔覺唔覺又一個月,而家已經就快十六個月喇,繼續努力吧,每一個bb都扭計架喇,祇不過人總喜歡姓賴,到遇到困難總喜歡搵野賴下，而最好既藉口通常都係話食人奶有問題，其實奶粉ｂｂ咪又係扭計，唔通奶粉ｂ真係唔使抱唔會喊架咩，我亦見過有人奶ｂ唔難湊啦，我媽咪話我大哥細個都係食全人奶，一ｄ都唔扭計，到一歲就自然離乳添，有時我地既ｂ出奇好湊係好運，難湊跟本就係正常，唔好咁輕易放棄吧，千祈唔好因為ｂｂ扭計就覺得係人奶出現左問題吧，希望可以給你一點正能量

我又八卦回應下先。。。

我個囡十星期大，都係全人奶，初時同你個BB一樣，勁扭計。。。人人話BB好鍾意水，但佢沖親涼都喊到死，當然，食完奶一陣又扭，一兩個鐘就醒（更多時候係唔訓囉），扭抱，抱到瞓放落牀又嚟過。。。我同你都經歷過呢D咁辛苦嘅日子
我餵人奶同唔俾奶咀，受盡身邊長輩壓力。。。但我想講一切只係過渡期。。。過到頭五六個星期，你就一定會得！！！
我媽咪係保姆，佢都話未湊過我個女呢D咁難湊嘅。其實我覺得你個BB同我個女因為係2000後嘛，咁同以前果輩又點比丫？但BB真係好扭計架，佢地頭兩三個月都一定係咁。。。呢樣野一定唔關餵人奶事！！！因為佢地太驚喇，出左母體好怕陌生，食人奶嘅BB我覺得反而會更快適應外界。。。我個女而家都扭抱，但只係眼訓時先扭，其他時間佢都會自己玩同逗人玩。。。所以我想以我經驗話你知，你遇到嘅係好GENERIC嘅野，你可以努力堅持餵人奶呀！
我果陣都好掙扎，好想俾奶粉佢（等自己有得訓番三個鐘，而唔係一個鐘或者九個字），阿媽又以「專家」口吻同我講一定要俾奶咀。。。話BB會靜好多。。。但我想講個BB係你生嘅，佢咁細個，只有你，先可以決定乜野係最好嘅，係你想俾佢嘅。。。
若果你真係太辛苦，你自己可以取捨下（因我都識有太太頭兩個月「混奶」之後都成功全人奶），但唔好否定或後悔自己嘅決定。
我到而家都唔夠訓架（因我未生仔之前一日要訓九個鐘），但個女戒戒地晚奶，我已經有約五六小時睡眠。。。講真，你就算餵奶粉，咪又要餵晚奶。。。所以問題係你自己堅唔堅持，同埋另一半支唔支持囉！
千祈唔好以為用左奶粉同奶咀湊仔就一D都唔辛苦，因為湊BB，根本係好辛苦嘅一回事！！！只係做得人阿媽，只有我地，可以決定俾乜BB食，係對佢，對自己，生理同心理都係最好架咋！

你嘅決定係點都好，要忠於自己!我撐你架！！！

曾經辛苦到爆到而家都未夠訓，但好開心好滿足嘅媽媽上