如何是好?

尋日去o左健康院搵姑娘幫手睇囡囡食奶情況，不過今日囡囡又唔肯用姑娘所教o既方法去食，要慢慢同囡囡訓練先得。

不過尋日唔記得問姑娘，平時食奶唔應該多過半過鐘，咁係每一邊唔多過定係食兩邊唔多過(即係每邊15分鐘)?

同埋囡囡好多時食一邊就訓o左唔肯再食，搞極都唔醒，唯有俾奶粉佢食。不過佢又好抗拒唔用奶樽。試過又佢食完一邊唔理佢，咁佢訓到個零铲佢又醒又要再食，搞到我唔知點好!

另外想問下，如果出街餵人奶，個bra應該用without wire最好，但係邊度可以買? 我試過去010，但係佢全部都有wire。thanks~~

上奶湯水請看網站文章介紹，都是由中醫和陪月提供的: http://www.breastfeeding.org.hk/tags/39

初生BB 本身較渴睡，有得吸著媽媽的乳房，又在媽媽溫暖的懷內，故很容易未食完奶就睡覺，想BB 正經食完一邊，可試試以下方法：

＊天氣和暖的日子，BB 食奶時只穿尿片，天氣凍的話穿內衣和尿片，有媽媽抱住不會冷親的，衣服穿得太多，反而會因為太暖而睡著覺。

＊BB 吸吮慢下來時，用手指掃一掃下巴仔，也可輕按手手腳腳，提醒佢要食奶。

＊擠奶灌醒BB，方法如下：

如果BB 食完母乳和奶粉也不是睡得好，看來是其他問題令BB 睡眠不深，要留意BB 會否太熱太冷。另外，BB 差不多滿月了，對不對？可以試試躺下餵奶，等你一邊餵奶一邊可以休息，餵奶前請家人隔一段時間來看看BB 有沒有被壓著。

可愛餵奶巾，送禮自用皆宜，所有收益撥捐推廣母乳，歡迎選購。

而家囡囡每次食人奶都會食到訓覺，搞極都唔醒。有咩辦法??

另外因為傷口問題，健康院姑娘唔suggest我飲魚湯。我想問咁仲有d 咩湯水可以谷奶?? 平日飲多d 湯水係咪都係飲呢d??

我都知半夜埋身餵人奶或者pump奶會令奶易上d，但係bb而家半夜成日醒訓得唔"lum"，搞到我都冇搞好訓。如果再餵埋人奶+奶粉，起碼要成2個鐘先有得訓。有咩辦法呀?? 最衰係有時佢晏晝都唔訓，基本上每一日我最多只係得4~5個鐘訓，仲要係斷斷續續果隻。呢兩日加埋先得果5個鐘，就o黎人都癲!!

1) 乳線炎係:紅,腫,脹,痛同媽媽會發燒.如果淨係個胸有硬塊,或少少脹痛,都未算乳線炎.
2) 乳暈及乳頭位置有刺痛(好似針桔),尤其係BB食奶既時候痛,咁係似乳頭損既症狀多D.乳頭損跟BB食奶或媽媽抱BB的姿勢有關,不過,餵人奶初期有呢D情況出現都算普遍.
3) 初生BB個零鐘要食都算正常.有時BB吾一定係因為佢餓既,有時係想"痴"住媽媽,取得安全感都吾定架.依個係佢既適應期,係會表現得"痴身"少少.
4) 食奶粉,可能係會延長BB既睡眠時間(因為佢要多D精力去消化嘛),但係就又會帶出另外既問題,如:媽媽上奶不足,夠BB或會有乳頭混淆呢D更難搞既問題架!

BB衫生食得密,令到媽媽乳頭損等都係過度問題,當BB適應了新生環境及糾正食奶技巧,問題不再,就會進入溫馨舒服的階段的了! 加油啊!

我想問下，我左邊個乳房呢幾日都好痛。想問下如果脹奶係成個乳房都好似硬晒咁?定係只係痛?? 咁乳線炎又係點架?? 我而家都唔知我係邊種痛。

我係乳頭有d痛，同埋乳暈下少少都有d痛。

而家囡囡如果只係食人奶，通常個零鐘就喊肚餓。我想知我要大約幾時先夠奶俾佢食一餐呢??我唔想隔個鐘餵佢，食得奶粉多我又驚佢唔食人奶。

1) bb食緊,另一邊係會滴奶架,不過多d定少d,每個人都吾同既.
2) bb食奶食得好左,咁妳上奶都會逐漸多d架喇! 俾d心機呀!
3) 每條濕片,應該有2-3湯匙水的重量.

加油,加油!
我地響度支持妳架!

尋日發覺囡囡食奶好似食得好好，因為有時見佢咀角上都有少少奶係度。同埋見到d奶好似出快o左。以前用手擠好難先見到一滴，尋日用手擠就見到唔止一滴出現，但仲未見到噴奶效果，可能要再俾d心機先得。

我想問問，如果bb食得到人奶，另一邊乳頭是否一定會滴奶?? 因為我奶奶成日話如果囡囡食到奶，另一邊係會滴奶。但係到目前為止我只係見過一、兩次滴奶情況出現。

仲有，你地話要睇囡囡是否食到足夠母乳，睇片片就知。咁我想問，係要6-8條片每條都好重，一或睇尿濕指示??

thanks!!

1) 如怕埋身餵會整到傷口,可試用攬球式,或睡在床上餵奶.
2) 如BB少埋物吸啜(即沒有吸清乳房的奶水,剌激不足),係會令身體以為BB吾多需要人奶,咁就會造少D奶.所以,想增加奶量的最全方法是多D俾BB吸啜.
3) 既然BB鐘意埋身,就多D俾佢埋身食.BB也要通過學習,先至會識得響媽媽身上食到奶的.相反,BB食得奶咀多,仲會容易有乳頭混淆,增加他埋身吸啜的困難.
4) 泵出的奶量,並不妳的所有奶量.往往初餵人奶的媽媽,甚至她們的家人,都會被泵出的奶量所嚇倒.那不是真的!不要依賴奶泵來幫妳解決到目前的困難啊!
5) 單講時間,未必等如BB食到多少奶.最重要係觀察BB的咀形及姿勢.BB的咀形要好似喇叭般吸住媽媽乳房(要含到部份乳暈),食奶時,腮的位置會"郁"至啱!如動作做得啱,時間還要持續到30分鐘(中間停了的不計在內)的話,要看看BB是否食到足夠的後奶(奶水顏色比較白/黃的).如果不知道BB是否食得足夠後奶,就同一邊再食多幾分鐘.如BB仍然有追食的表現,咁就俾埋另一邊佢食.仲要留意BB的濕片數量(每日有6-8條片)

額外補充的奶粉食唔晒，可能BB 之前已食夠奶，飽到吃不下了。新生嬰兒的胃只有乒乓般大小，故未能一次過容納太多的奶。如果BB 增重理想，每日換到五至七條夠濕的尿片，可不用補奶粉。

BB 有沒有食過奶瓶？如果有，BB 有可能會有乳頭混淆，因為奶瓶的設計是將奶自動滴出來，而埋身食奶需要較複習的吸吮技巧，故有可能令BB 埋身食時不太耐煩，你可以到屋企附近的健康院預約，請姑娘教糾正好BB 食奶的嘴型，會令你餵奶時方便一點，不用再額外擠奶。

希望幫到你。