You are here討論區 / 早產及0 - 2 個月寶寶 / 5日奶媽,求救!
5日奶媽,求救!
不知不覺又餵左3個禮拜,BB增磅理想!而家有7磅幾啦
BB 25日 每日食8-10次,BF每次大概(因我冇睇時間)每邊15min, 鬆口先補奶粉90ml
雖然都要補奶粉,但我都比BB吮到我痛先補...所以而家BB係乜都食
不過BB有時埋身餵好唔耐煩,吮住我兩頭fing,痛死我啦!我會同佢講"比d心機,唔好發忟憎!"
我仲有問題:
1. BB發出"吮吮吮"停"吮吮吮"停的聲音,但冇"骨"一聲吞咽聲,係咪當我奶咀?
2. 間中泵奶兩邊只得50ml, 咁係咪代表唔夠人奶,定個泵有問題?奶流量只係滴滴下係正常?
多謝解答!麻煩哂!
molelee 加油不要放棄, 你已做得好好了, 繼續吧! 是可以成功的。
唉,全人奶計劃又暫停,BB而家食嘅pattern變左(BF 15min one side+奶粉約80ml),B女唔肯埋身餵太耐...我發覺佢食到索哂氣,好似個阿伯咁!食bottle亦是有喘氣聲,好似有痰上頸。
今個禮拜五(2/10)健康院覆診要報告醫生呢個問題了...到時過磅又睇下我同BB今個星期嘅汗水,淚水,奶水,血水(我:p)有冇白廢了!
BB一定OK!
如果食左3 分鐘就唔食,咁樣似係想吮多過想食奶喎。你BB 未滿月,可以講真係日日都唔一樣,今日可能扭訓覺,明天可能扭抱,唔定性㗎,所以你唔好咁快灰心住。
同埋補左奶粉先訓得45 分鐘,咁可能同食奶無乜關係,而係佢有其他原因令佢訓唔耐,例如可能係過熱過凍,尿片或包被包得唔舒服都有可能。
只要你餵得順左,通常滿左月就會好湊d,因為一來你摸熟左BB 脾性,二來BB 的作息時間亦稍稍穩定下來。其實現在你已經享受緊餵人奶的好處,就是唔需要擔心d 奶啱唔啱BB 食同會唔會好熱氣。因為人奶是最好的!
加油!有咩唔明再上來問。
Breast is BEST!
BB開始食多左,本係好事...而家由2個鐘食一邊->變成1個鐘食一邊,頭先仲無端端食3min就鬆口,換邊又係一樣,濕片一日又得4-5塊,好心痛!
頭先佢扭計,cup feed補奶粉比佢...咁至訓到45min...唉...我好難適應佢
講真而家我重未領會到餵人奶嘅樂趣,只有辛苦同擔心...bb埋身我就驚佢吮頭果幾下好痛...跟住又驚佢扭計唔肯正經食...又驚佢食完唔訓覺...咁嘅日子幾時至完
如果無乜精神,不如請親友遲一點來探BB,先用email 祉開網上相簿比佢地睇相先。你有人陪坐月嗎?如果有,"暗"BB 訓覺就交比其他人做,咁你有時間可以休息下。
哺乳圍巾,送禮自用皆宜,所有收益撥捐推廣母乳,歡迎選購。
係呢,應付D 親朋好友都幾累人架!
我生仔時有"沙士",所以乘機叫D 朋友吾好黎住,e-mail 相俾大家睇就算喇.
不過,我們親戚真係好多! 一人一句,真係好難應付!
仲俾我老公激死,吾知係咪怕左D親戚,竟然仲話去釣魚返黎,幫我煲上奶湯喎?!
拒絕佢又吾係,吾拒絕佢又吾係! 妳地話係咪激死?!
多謝大家鼓勵!我希望我同bb會一日比一日好!
我發現bb成日食成三十分鐘,原來最後15分鐘"齋吮唔吞"!當我係奶咀,我想停止佢吮因為好痛,bb又要吮住,放口就扭計喊,喊喊下,氹氹下訓覺又成個幾鐘...轉眼又餵第二次,我就快癲了!
還要應付十二朝後的"人潮", 諗起都驚!\
攰死我啦>_<
我坐月時天天餵足十二小時,今天才繼續有奶餵!有信心女女會一天吃得比一天好!
1) 如果BB 出生時都是輕磅的,是細碼的,而她的生長又符合比例,那都算是合格的.不一定要求每個BB 出生後,第幾多日就能夠趕上中碼或大碼的BB.咁既比較,對妳會好大壓力,對BB都吾公平架!
2) 要知道,我們乳頭的皮膚其實好幼嫩.吾多習慣俾BB 長時間含住.再加上佢仲未搵到個合適位置含啜,起初係好容易整損媽咪乳頭架.
首先,要確保BB 每次上下嘴唇翻開,含得夠深入,要含到乳暈/再深入D.如果BB只"擔"住媽媽乳頭,就要撬開她的口,讓她再試過.
當BB 的含啜姿勢正確時,是不會再整痛及整損妳的了.
3) 如真的有補奶的必要,請記住,不要給她用奶樽.這樣會令BB 依賴用奶樽來食奶,到埋身時,她會吃得不認真.而且,當她習慣了用奶樽,將妳的乳頭當成奶咀來"趙",咁又係會咬損妳,同有礙佢學習埋身食添.惡性循環就係咁開始喇!
4) BB 的喊聲,有時真的搞到新手爸媽,甚至全家人都手足無措.但係,俾D時間大家去適應啦! BB 吾識講,只會用喊聲來表達她的需要.但通過妳的溫暖攬抱,溫柔問侯,與及甜美的奶水,她是會慢慢感受到妳們給她的愛和關懷的.互信的親子關係就是如此開始的了.
現代的教育家都提倡父母要與子女保持良好的親子關係.我們餵人奶的媽咪,其實在BB出生後就立即建立此親密關係喇!
起初餵人奶或多或少會有D 困難,但堅持熬過這階段,美好的成果,很快就能看到的了.
祝妳成功!跟我們同享母乳餵哺的樂趣及成果.
BB 放低就喊,有可能是想人抱住訓,不一定是食唔飽的。初生BB 喜歡被人抱住,因為有大人抱住很暖很舒服,所以不想被放低。家裡有沒有人幫手?如有,自己餵完奶很累想休息,將BB 交給人代抱一會。如果只有自己坐月,那就要爭取時間休息,BB 睡時你跟她一起睡。
想停止惡性循環,將奶樽和奶粉擺埋一邊,用你的愛心母乳餵大BB 吧,人奶好易吸收,BB 食人奶食得多,也很長肉的,把最好的多給BB,你一定得架!加油呀!
Stumama好多謝你咁快回我!
但係我每次bf完,一放低佢就大喊!我真係比佢搞到痴線!我都同自己"催眠"地講:無埋由咁細個人仔食唔飽,我係有奶架!
...但當我筋疲力盡時,都頂唔順要補奶粉停止佢喊,好惡性循環呀!
有時餵完B想眠一眠,都未合埋双眼佢又喊,我就快癲了!
好在我仲識上網問人!唔該stumama!
PS.我唔係好忍心戒奶樽,因為我阿女好瘦呀! >_<;
餵奶不計時,每邊餵到BB 自然放口,每一邊要正經地食,不是含著乳頭睡覺。
要知道BB 有無食到足夠的奶,要數佢每日有無換到夠濕的尿片五至七塊。BB 仔喊唔一定係肚餓,有好多原因,例如想訓覺,想人抱都會喊。你每次餵完奶唔好補奶粉,咁只會令BB 唔識食人奶。
BB 剛出世,食奶會不定時而且好密,你要有心理準備呀。加油!
捐款支持香港母乳育嬰協會
香港母乳育嬰協會乃本港註冊非牟利機構,推廣工作全賴公眾人士捐助及會員會費,請捐助我們,本會所簽發收據可用作退稅之用。詳情請看愛心捐助
免責聲明
本會並非專業資詢機構,僅為互助及推廣組織。鑑於本會職能,本網站內所提供的資訊僅應作為一般教育及參考用途,如有任何醫療問題或事故而引起的一切法律訴訟,本網站一概不負責。如果你有任何醫療問題,應向自己的醫生面對面查詢,而不應單倚賴本網站提供的資料。
I m beginner now and very worried.
1. I can 埋身餵 now, but baby seems not full after 2 sides!she cried afterwards and look NOT satisfied. wat can i do?
2. Now I BF 15 min each side, then 補奶粉... but how can i achieve 全人奶when always補奶粉?
3. my nipples are very sore after 10 meals a day on both sides. Baby's latch on is OK (agreed by 健康院姑娘)I can't stand the pain anymore...wat can i do?要忍痛餵到"起枕"?
BB仲未夠六磅...想谷佢大隻d呀 :<
Sorry for mixing chinese and english.好心急想問!唔該哂各位!